Римјаните попладнево доживеаја нов пораз откако паднаа во Венеција и тоа иако на полувреме водеа со 1:2.
Откако во четвртокот повторно разочараа откако одиграа само 2:2 против норвешки Бодо/Глимт неуспевајќи да се одмаздат за претходниот пораз од 6:1, сега повторно им приредија неубаво изненадување на своите навивачи.
Уште во 3. минута од својот прв напад домаќините поведоа преку Матија Калдара. Гостите пресвртот го направија во последните минути пред паузата. Прво Елдор Шомуродов ја искористи мешаницата за да израмни, а потоа во надополнувањето Тами Ејбрахам донесе водство за Рома.
Дваесет минути во вториот дел и Венеција доби пенал кој успешно го реализираше Матија Араму. Во 74. минута една брза контра го лансираше Нигериецот Дејвид Окереке сам пред Руи Патрисиу, успешно го совлада и донесе водство од 3:2.
До крајот Рома запнуваше, но никако не успеа да стигне до трет гол и барем реми.
Тимот на Жозе Мурињо го запиша петтиот пораз во Серија А сезонава и остана на 19 бодови, па доколку Лацио денеска запише очекувана победа над Салернитана тогаш и ќе го загуби 5. место.
За Венеција ова е само трет триумф која сега со 12 бода излезе од опасната зона.