26-годишниот Џордан Нортовер призна вина во судот во Лондон за обид за вооружен грабеж над ѕвездите од Арсенал, Месут Озил и Сеад Колашинац. Претходно, осомничениот Ешли Смит ја призна вината, за него пресудата ќе се знае на 8 ноември.
По инцидентот од 25 јули во кој двајцата фудбалери беа нападнати од крадци на мотор е објавена нова снимка која покажува како голоракиот Колашинац дава отпор на вооружениот крадец кој во рацете држи нож.
Снимката што ја објави полицјата покажува дека фудбалерот нема никаков страв пред крадците дури и во моменти кога ножот е неколку милиметри оддалечен од него.
