Цело ова време мислевме дека белите дробови служат само за дишење, но новата студија објавена во Nature покажува дека овие органи имаа клучна улога во тоа како се формира крвта.
Студијата е направена на Универзитетот Калифорнија во Сан Франциско. Тим научници кои ги проучувале белите дробови кај глувци откриле дека токму овие органи произведуваат половина од тромбоцитите, крвни зрнца неопходни за згрутчување на крвта.
Досега се претпоставуваше дека повеќето, ако не и сите тромбоцити се произведуваат во коскената срж, а само мал дел во белите дробови. Но, сега научниците открија дека тие се резервоар за матични клетки кои стапуваат во помош кога резервите на тромбоцити во коскената срж се намалени.
Според професорот Марк Луни, белите дробови не служат само за дишење туку и за формирање на клучните компоненти во крвта.
