Нова тепачката - сега на Мајами и Хјустон, а Бостон промаши 38 тројки против Индијана

Кошаркарите на Мајами Хит го победија Хјустон Рокитс во Тексас со 104:100, а натпреварот го одбележа голема тепачка.

Инцидентот изби на 35 секунди пред крајот на мечот кога во клинч се најдоа Амен Томпсон и Тајлер Хироу. Кошаркарот на Мајами заврши на паркетот, многумина прискокнаа, а се резултираше со исклучувања од двете страни.

Инаку, првото полувреме беше доста изедначено. Ниту една екипа не успеа да се одлепи, а резултатот со кој се отиде на пауза гласеше 53:50 за гостите.

Хјустон потоа направи пресврт во третата четвртина, но Мајами најде сили да ги врати работите на вистинскиот пат и на крајот триумфираше во драматичен финиш.

Најдобар играч кај Мајами беше Хироу, кој всушност беше исклучен, со 27 поени, додека Јовиќ постигна 18. Кај домашните најефикасен беше Брукс со 22 поена, а брутална партија пружи Сенгун, кој имаше дабл-дабл ефект со 18 поени и 18 скока.

Хјустон е трет во Западната конференција со 21 победа и 11 порази, додека Мајами е шести на Истокот со скор 16-14.

Од другите натпревари вреди да се издвои победата на Индијана Пејсерс на гостувањето кај Бостон Селтикс со 123:114. Интересно, актуелниот шампион на овој натпревар промаши дури 38 тројки, па поразот не е изненадување. Ал Хорфорд промаши дури 9 тројки, а Џејсон Тејтум и Дерик Вајт по 8.

Најефикасни со по 31 поен беа Џејлен Браун (4 скока, 6 асистенции) од Бостон и Тајрис Халибартон (6 скока, 7 асистенции) од Индијана. Тејтум додаде 22 поена со 9 скока и 6 асистенции, а Причард 21 поен. Кај гостите по 17 поени уфрлија Канаѓанецот Ендрју Немхард (со по 8 скокови и асистенции) и Камерунецот Паскал Сјакам 8 скокови и 6 асистенции).

Резултати:

Орландо Меџик - Бруклин Нетс 102:101
Бостон Селтикс - Индијана Пејсерс 114:123
Торонто Репторс - Атланта Хокс 107:136
Хјустон Рокитс - Мајами Хит 100:104
Оклахома Сити Тандер - Мемфис Гризлис 130:106
Минесота Тимбервулвс - Сан Антонио Спарс 112:110

Табела: