Најдобриот тенисер во светот Новак Ѓоковиќ го одигра најтешкиот меч во досегашниот дел на УС Опен против Кеи Нишикори, но на крајот забележа победа и се пласираше во осминафиналето со 3:1(6:7, 6:3, 6:3, 6:2).
„Тешка борба. Најтешкиот меч за мене досега на турнирот. Нишикори беше побрз, не промашуваше и играше одлично. Ме натера да излезам од конфор-зоната, не ми оставаше многу време. Но, кога се адаптирав на тоа, се чувствував подобро. Сервирав одлично и во моментите кога ми требаше. Вложив многу труд за да победам и играв со одличен тенисер“, рече Ѓоковиќ.
Неговиот нареден противник ќе биде победник од дуелот Карацев – Бруксби.
