Српскиот тенисер Новак Ѓоковиќ никогаш во кариерата не ја почнал сезоната полошо од сега, до средината на март учествувал само во еден турнир и остварил вкупно три победи.
Тоа не е така поради повреди или лоша кондиција, туку затоа што како невакцинирано лице нема право да се натпреварува со останатите на поголеми турнири.
Во меѓувреме, Ѓоковиќ не е повеќе на првото место на АТП листата, но ќе се најде повторно од понеделник. И Рафаел Надал успеа да го престигне по бројот на грен слем титули. Но, тоа не е се.
Шпанскиот онлајн весник El Español пресмета дека со пропуштањето на Австралија опен, Индијан Велс и Мајами Ѓоковиќ остана без 5.3 милиони евра, што е награда која би му припаднала ако славеше на секој од трите турнири.
Со оглед на формата и историјата на настапи на споменатиот грен слем и двата мастерси, не е невозможно дека Ѓоковиќ навистина би освоил толку пари, но тоа е ризик за кој тој е свесен. Повеќе пати досега ја образложи одлуката зошто нема да се вакцинира.