Новак Ѓоковиќ, најдобриот тенисер во историјата, беше главна ѕвезда на пречекот што им беше приреден на српските олимпијци во понеделникот пред балконот на Градското собрание на Белград. Тој во Париз го освои олимпиското злато победувајќи го Карлос Алкарас во финалето, а пред навивачите беше крајно емотивен.
Ѓоковиќ по петти пат на Олимписките игри играше во француската престолнина, но за прв пат ѝ донесе златен медал за својата земја.
„Долгоочекуваното злато по бронзениот медал што го освоив во Пекинг на првото учество на Олимписките игри. После тоа трипати учествував, двапати бев елиминиран во полуфинале... Сега имам 37 години, дојдов без трофеј, имав повреда... Многумина го доведуваа во прашање квалитетот на тенисот што го играв во последните месеци“, изјави Новак Ѓоковиќ за РТС.
„Малкумина ме сметаа за фаворит, но јас верував затоа што знаев дека ова може да биде последна шанса да се освои златото. Го одиграв еден од најдобрите турнири, ја почувствував поддршката од народот, имав одговорност да се држам уште повеќе. Без лажна скромност, ова е најголемиот успех во мојата кариера и горд сум што го носам златото што го освоив за Србија“, изјави 37-годишниот белграѓанец.
Новак Ѓоковиќ нема да настапи во Синсинати, а неговите планови за УС опен сѐ уште не се познати.
