Најдобриот тенисер во светот Новак Ѓоковиќ се огласи на социјалните мрежи откако австралискиот суд ја поништи одлуката да му се укине визата. Ѓоковиќ се заблагодари на сите за поддршката и порача дека сака да остане да се натпреварува на АО кој почнува на 17 јануари.
„Благодарен сум и задоволен што судијата го поништи укинувањето на визата. И покрај ова што се случи, сакам да останам и да се натпреварувам на АО. Останувам фокусиран на турнирот. Долетав тука за да играм на едниот од најважните натпревари“, напиша светскиот рекет број 1 на Twitter.
„Засега не можам да кажам повеќе, но ви благодарам на сите за поддршката и што ме охрабривте да останам силен“, наведе Ѓоковиќ.
Неговото семејство на конференција за новинари во Белград потврди дека Новак се чувствува добро и дека веќе тренира, како и дека се подготвува за учество на АО.
