Новиот материјал за изработка на батериите не само што го забрзува времето на полнење за 500%, туку и го подобрува капацитетот на батеријата за 45%.
Новите батерии, стои во извештајот на Samsung, поради постојаноста на зголемени температури, ќе бидат идеални за електрични возила.
Samsung го соопшти најновото откритие на својот Институт за технологија: т.н. графенска топка.
Новата батерија што ја користи оваа нова технологија се полни дури пет пати побрзо од литиум-јонските батерии што се користат во повеќето современи мобилни телефони.
Графенот исто така го зголемува капацитетот на батеријата за 45%, што воопшто не е малку.
Теоретски, на графенската батерија ѝ се потребни 12 минути за целосен циклус на полнење. Исто така, батеријата одржува стабилна температура од 60 степени Целзиусови, што е совршено за електрични возила.
Компанијата исто така тврди дека графенот е 100 пати поефикасен спроводник од бакарот, па поради тоа е „совршен материјал за брзо полнење“.
Иако се работи за револуционерна технологија, уште е во развојна фаза. Сѐ што се знае е дека научниците на Samsung сметаат дека батеријата со графенска топка има висок потенцијал за примена во мобилните уреди, а тоа значи дека корисниците ќе почекаат за да уживаат во магијата на новата батерија.