Ford Puma добива целосно електрична верзија - ќе се вика Ford Puma Gen-E.
Моментално, Ford Puma на нашиот пазар може да се најде во хибридни и само бензински варијанти.
Единствената визуелна разлика што ќе ја има Puma Gen-E е предната маска, за која се вели дека црпи инспирација од моделот Mustang Mach-E.
Ford го опреми своето најмало електрично возило во Европа со мотор кој има 166 КС и 290 Nm максимален вртежен момент.
Со батерија од 43 kWh ќе добиете 376 километри досег во основната верзија или десет километри помалку во понапредната верзија поради поголемите тркала.
Поддржано е брзо полнење до 100 kW, кое ја полни батеријата од 10% до 80% за 23 минути. Доколку ве интересираат спецификациите за брзина - од 0 до 100 км/час достигнува за осум секунди, а максималната брзина ѝ е 160 км/час.
Ford Puma Gen-E тежи околу 1.490 килограми, што не е изненадувачки ако се земе предвид дека нејзините димензии се 4.214 mm x 1.805 mm x 1.555 mm, со меѓуоскино растојание од 2.588 mm, па сè е исто како и кај моделот со традиционален мотор.
Овој модел ќе се произведува во Романија, во Крајова, а веќе е можно да се нарача и во Европа, додека првите испораки се очекуваат напролет. Цените моментално се познати само во Велика Британија, каде што почнуваат од 30.000 фунти.
