Игрицата „Indiana Jones and the Great Circle“ ќе им биде достапна на корисниците на конзолите Xbox Series X и S, како и PC од 5 декември, додека сопствениците на конзолата PlayStation 5 ќе треба да почекаат до пролет.
Оваа информација е и потврда на гласините дека игрицата на подружницата на Xbox MachineGames навистина ќе пристигне на PS5. Во февруари, директорот на Microsoft Gaming, Фил Спенсер, изјави дека „The Great Circle“ не доаѓа на PS5 и Nintendo Switch, додека другите наслови на Xbox ќе го следат овој пат. Сепак, ниту тоа не ги спречи гласините.
MachineGames учествуваше во купувањето на ZeniMax од Microsoft во 2021 година заедно со id Software, Arkane и Bethesda Game Studios. Во јуни 2023 година, потпретседателот на Bethesda, Пит Хајнс, сведочеше пред судот дека Disney и ZeniMax првично планирале да ја објават „The Great Circle“ на повеќе платформи, и дека станала ексклузива за Xbox откако Microsoft го купил ZeniMax.
Xbox нема обврска да ја пласира „The Great Circle“ на PS5 или која било друга платформа. Целата оваа ситуација е одвоена од контроверзното купување на Activision Blizzard од Microsoft, каде што Xbox има законска обврска да објавува нови игрици, како „Call of Duty: Black Ops 6“, на конкурентни платформи.
