Новата сезона во калчото ќе почне многу подоцна од како што сме навикнати и тоа дури на 19 септември. Така одлучи Лега Калчо на синоќешниот останок.
Советот на Лега Калчо на вчерашниот состанок во Милано го официјализираше клаендарот за новата сезона 2020/21 во Серија А. Со оглед на тоа што минатава сезона заврши дури викендов поради непланираната пауза настаната поради пандемијата со коронавирусот, стартот на новата сезона исто така мораше да претрпи измени.
Така, Серија А новата сезона ќе ја почне со првото коло дури на 19 септември, односно по репрезентативните натпревари во Лигата на Нации. Комисијата одлучи да им даде 10 дена одмор на играчите кои имаат репрезентативни обврски, со оглед на тоа што септемвриските натпревари од Лигата на Нации завршуваат на 8 септември. Првичниот план беше сезоната да стартува на 12-ти.
Згуснатиот календарот предвидува дури 6 вонредни кола, сметајќи го и она второ во Новата година кое е закажано за 6 јануари. Божикната пауза ќе трае до 3 јануари. Сезоната ќе заврши со последното коло на 23 мај, по што играчите ќе бидат ослободени да им се стават на располагање на своите репрезентации за настап на ЕУРО.