Vespa отсекогаш била синоним за италијанска елеганција и шарм, а исклучок не се новите генерации на Vespa Primavera и Sprint кои официјално беа претставени на годинешниот мото саем во Милано.
Родена 1968 година, Vespa Primavera се издвојуваше со малку помали димензии и потесна силуета од „обичната“ Vespa, што ја направи идеално средство за градски превоз. Vespa Primavera првпат беше редизајнирана во 2013 година, а ова е нејзина трета генерација прилагодена на најновите трендови.
Така, покрај бензинските агрегати од 50, 125 и 150 кубика (четиритактни, со три вентили на цилиндерот), сега се нуди и електрична верзија, чија максимална брзина - според локалните закони - ќе биде ограничена на 45 или 75 км/час. Батеријата - сместена под седиштето - може лесно да се извади и земе со себе, а по четири часа полнење ќе има домет од 100 километри. Исто така, инструментите се комбинација од класични и TFT екрани со дијагонала од 2,5 инчи, додека верзијата Tech има TFT екран во боја со дијаметар од 5 инчи. Во подобри варијанти, скутерот ќе може да се поврзе со мобилен телефон преку апликацијата Vespa MIA.
Огромниот избор на комбинации на бои и графики е уште една работа што отсекогаш ја карактеризирала Vespa, а не е исклучок и најновата генерација, која е достапна во осум различни бои. Инаку, Vespe Primavera и Sprint доаѓаат на пазарот на почетокот на следната година.
