Novavax Inc. денеска соопшти дека во јануари 2022 година ќе може да почне со комерцијално производство на вакцината против COVID-19, што ќе биде ефикасна против новиот сој на коронавирусот – омикрон, во време кога ги изведува тестирањата дали нејзината сегашна вакцина делува против оваа варијанта.
Британските медиуми пренесуваат дека лабораториските податоци што се очекуваат во следните неколку недели ќе покажат дали антителата на лицата кои претходно ја примиле вакцината на Novavax можат да ја неутрализираат новата варијанта, соопшти компанијата.
Novavax, исто така, соопшти дека почнала и со развојот на антиген на спајк протеинот, што е специфичен за омикрон, и дека за неколку недели ќе почне и со лабораториски тестови на новата вакцина на новиот сој на коронавирусот.
Другите производители на вакцини за коронавирус, Moderna и Pfizer, исто така почнаа да работат на производство на вакцина против COVID-19 што е ефикасна против омикорн варијантата на коронавирусот.