Министерот за здравство Венко Филипче извести дека во последните 24 часа направени се 508 тестирања, а регистрирани се 37 нови случаи на коронавирус во земјава.
По градови, новите случаи се во:
- Скопје 12
- Куманово 8
- Штип 2
- Прилеп 2
- Тетово 7
- Струга 4
- Охрид 2
Денеска Институтот за јавно здравје регистрира 11 оздравени пациенти, и тоа по двајца во Скопје и Велес и седум во Прилеп.
Во изминатото деноноќие не се регистрирани починати пациенти како последица на COVID-19.
Вкупната бројка на ковид дијагностицирани во нашата земја од почетокот на епидемијата изнесува 1.978, бројката на оздравени пациенти е 1.422, на починати е 113, а во моментов бројот на активни случаи во земјата изнесува 443.
Досега во земјата се направени вкупно 25.270 тестирања на COVID-19. Од вкупниот број направени тестови во изминатото деноноќие 188 теста се во рамките на скринингот. Тестирањата се направени преку Центрите за јавно здравје во Велес, Кочани, Куманово и Скопје во градинки и геронтолошки установи. Денеска со скринингот е потврден еден позитивен случај кај вработен во геронтолошка установа во Скопје. Досега со скринингот направени се 2.248 тестирања на COVID-19, а регистрирани се три позитивни случаи.