Европската центарлна банка во Франкфурт го претстави новиот изглед на банкнотите од 100 и 200 евра што ќе бидат пуштени во оптек од 28 мај годинава.
Станува збор за серија банкноти наречени „Европа“. На банкнотите доминира ликот на Европа, прекрасната феникиска принцеза и партнерка на богот Зевс, по која стариот континент го добил своето име.
Покрај нејзиниот лик, како една од безбедносните „замки“ на банкнотата ќе има и мал симбол за евро (€) што би требало да помогне да се намали или целосно да се спречи фалсификувањето на заедничката европска валута.
Со новиот систем на заштита банкарите и трговците би требало релативно лесно да ги препознаваат фалсификуваните банкноти, а покрај новиот дизајн, новите банкноти се и далеку поквалитетни во споредба со оние од првата серија.