Како што веќе често се случува во технолошкиот свет, неофицијално и неовластено се објавени рендери и спецификации за смартфонот OnePlus 8T.
Првичните шпекулации укажуваа дека OnePlus ќе претстави два модела - 8T i 8T Pro – но најновите информации говорат дека сепак нема да има Pro верзија или ќе ја има само на одбрани пазари, а Европа нема да биде еден од нив.
Како и да е, OnePlus 8T ќе има 6,55-инчен дисплеј со фреквенција на освежување од 120Hz. Станува збор за рамен екран што се протега од раб до раб, а назад има истакната модул камера слична на онаа на Samsung Galaxy S20.
Наводно, OnePlus 8T ќе го има истиот процесор Qualcom Snapdragon 965 како и OnePlus 8, иако веќе постои посупериорниот Snapdragon 865 Plus.
Уредот ќе биде достапен во две верзии - едната со 8 GB RAM и 128 GB внатрешна меморија, а другата со 12 GB RAM и 256 GB внатрешна меморија.
Најновиот смартфон на кинеската технолошка компанија ќе добие главна камера од 48 MP, ултраширока од 16, макро од 5 и портрет камера од 2 MP. Напред ќе има камера од 32 MP.
Смартфонот ќе поддржува 5G, a го напојува батерија од 4.500 mAh со поддршка за 64W полнење.
