Иако е најавен уште во 2017 година, сè уште се чека за испорака на новиот електричен камион на Tesla. Сега се објавени нови фотографии кои откриваат промени од првобитниот дизајн.
Илон Маск, директорот на Tesla, изјави дека камионот ќе биде достапен годинава. Ќе има домет од 805 км.
Сега се објавени нови фотографии од камионот на кои се видливи промени во дизајнот. Камионот и понатаму е препознатлив, а сега има масивни ретровизори и поинаква кабина. Внатрешноста исто така е променета, има и нова конзола и управувач.
Што се однесува до спецификациите, од Tesla велат дека камионот има домет меѓу 483 и 805 километри, како и дека ќе го движат три независни електрични мотори.
Камионот од 0 до 100к/час ќе забрзува за 20 секунди.