Играчите од составот на Реал Мадрид добија нови автомобили од Audi, кој е долгогодишен спонзор на шпанскиот клуб.
Соработката помеѓу Реал Мадрид и Audi трае уште од 2003 година, па играчите на европскиот шампион секоја година добиваат нови автомобили.
Најбараниот модел беше големиот луксузен SUV Q7, кој го избраа вкупно 14 играчи, додека некои од нив го одбраа и E-Tron Quattro и посилниот модел SQ7 TDI.
Најголемата ѕвезда на тимот, Кристијано Роналдо, го избра црниот RS7 Sportback Performance, додека тренерот Зинедин Зидан се одлучи за сивиот RS6 Avant Performance.
Најевтиниот автомобил во понудата беше S5 Coupe, кој му припадна на Марко Асенсио, а најскапиот беше R8 Sportback, кој отиде во рацете на Серхио Рамос.
Новиот A8 не беше на понудата бидејќи неговото сериско производство сѐ уште нема започнато.
