Со векови беше една од најголемите мистерии: Како друштвото од Бронзеното време успеало да ја изгради Кеопсовата пирамида во Гиза, најстарата и единствената преживеана од Седумте светски чуда на стариот свет?
И покрај тоа што постојат голем број на теории за тоа како било изградена, сега се откриени и докази кои ја поддржуваат теоријата дека Египјаните транспортирале два и пол тешки кварц блокови до местото каде била изградена Кеопсовата пирамида на оддалеченост од 800 километри.
Со 138,75 метри висина, Кеопсовата пирамида не само што е најголема во Египет, туку се до Средниот век беше и најголемата градба некогаш направена од човек.
Сега откритија од древни списи на папирус, церемонијален брод и генијален систем на водни канали фрлаат ново светло на начинот на кој била изградена големата пирамида околу 2,600 години пред новата ера.
Археолозите откриле списи кои објаснуваат дека илјадници работници транспортирале 170.000 тона кварц во дрвени бродови, поврзувани заедно со јажиња, преку Нил и посебна мрежа на канали, кои воделе до пристаниште направено во непосредна близина на местото каде била изградена пирамидата.
Спис од папирус, кој бил пронајден во пристаништето Вади ел Џарф на Црвеното море, е автентичен и го покажува од прва рака сведочењето на Мерер, лидер на тим од 40 елитни работници, во кој детално опишува како големите блокови кварц биле пренесени од Тур до Гиза.
И покрај тоа што одамна се знаело дека гранитот, од кој биле направени внатрешните одаи на пирамидата, ископан во Асуан, околу 850 километри јужно од Гиза, а дека кварцот пристигнал од Тур, десетина километри подалеку, археолозите не се согласувале околу тоа како биле префрлени до градилиштето.
Археологот Марк Ленер, еден од водечките експерти на ова поле, откри докази околу некогашниот воден пат кој водел до Гиза.
„Точно утврдивме каде се наоѓал централниот канал, за кој сметаме дека бил примарниот пат за донесување на материјалот во подножјето на Големата пирамида“, изјави Ленер.
Новите откритија се претставени и во документарецот „Egypt's Great Pyramid: The New Evidence“.
Во него е претставено и откритието на уште еден археолошки тим кој го открил церемонијалниот брод измислен за Кеопс да командува со нив во задгробниот живот.