Првиот светски рекет Новак Ѓоковиќ изјави дека не може да влезе во САД за да учествува на турнирот Индијан Велс.
„Засега ситуацијата е таква што нема да можам да учествувам на турнирот. Ајде да видиме како ќе биде. Мислам дека околностите може да се променат во следните неколку недели“, објави Tennishead, цитирајќи ја изјавтаа на српскиот тенисер.
Влезот во САД е забранет за оние кои не се вакцинирани против коронавирус.
Ѓоковиќ претходно изјави дека во принцип нема да се вакцинира и затоа е подготвен да ги прескокне турнирите на кои ова барање е задолжително.
Ѓоковиќ на 21 февруари го одигра првиот натпревар по скандалот во Мелбрун, кога не му беше дозволено да остане во земјата и да учествува на Австралија опен.
