Климатските активисти и синоќа на нови протести во Велика Британија и Франција ја интензивираа кампањата за да ги натераат своите влади да се посветат на борбата против климатските промени со поголема сериозност.
Илјадници луѓе во јужниот дел на Париз демонстрираа на улиците, за да извршат притисок врз францускиот претседател Емануел Макрон, светските лидери во ОН и мултинационалните компании да се борат за побрзо намалување на ефектот на стаглена градина.
Мирните протести во Париз станаа насилни кога меѓу демонстрантите се вмеша група луѓе облечени во црно кои почнаа да кршат прозорци и да ги палат полициските барикади.
Полицијата реагирајќи на тоа, ги блокира страничните улици и употреби солзавец за да ги растера насилниците.
Во близина на Довер, англиско пристаниште кое е најблиску до Франција, се собраа климатски активисти кои на протестот ја „истакнаа ранливоста на снабдувањето со храна во Обединетото Кралство поради алармантната еколошка и климатска ситуација“.
Вчерашните протести следуваа откако еден ден претходно стотици илјади, воглавно млади демонстранти, маршираа по улиците на многу градови ширум светот, барајќи итна реакција на властите на климатските промени.
