Нови рочишта за „Таргет-Тврдина“, „Монструм“ и повторената постапка за „Триста“

Скопје, 10 октомври 2019 (МИА) – Во Основниот кривичен суд во Скопје за денеска се закажани нови рочишта за случаите „Таргет-Тврдина“, „Монструм“ и повторената постапка за „Триста“, кои од СЈО ги презеде во надлежност и натамошно постапување Јавното обвинителство на Република Северна Македонија.

Случајот за петкратното убиство кај Смилковско Езеро на 12 април 2012 година, „Монструм“, се наоѓа во доказна постапка и се изведуваат над 133.000 СМС-пораки и други транскрипти, предложени како дополнителни докази од Обвинителството.

Судскиот процес го води судијата Огнен Ставрев, а застапници на обвинението се Фатиме Фетаи и Гаврил Бубевски.

За петкратното убиство на 12 април 2012 година, кога беа убиени момчињата Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски, во претходна постапка за случајот на доживотен затвор беа осудени Алил Демири, Африм и Агим Исмаиловиќ, Езим и Хаки Азири и Сами Љута.

Врховниот суд во декември 2017 година ги укина пресудите, ги ослободи од притвор осудените Агим Исмаиловиќ, Хаќи Азири, Сами Љута и Фејзи Азири и им определи мерки на претпазливост. По укинувањето на пресудите, случајот „Монструм“ го презеде СЈО и предметот беше вратен на повторно судење.

Случајот за незаконското следење на комуникациите „Таргет-Тврдина“ се наоѓа во доказна постапка и го води судијката Женета Бегтовиќ, а застапник на обвинението е Ленче Ристевска.

Според обвинителниот акт, преку три системи за следење на комуникациите во УБК во периодот од 2008 до 2015 година незаконски биле следени 4.286 телефонски броеви за кои воопшто не биле издадени судски наредби.

Комуникацијата била следена пред да бидат издадени и по завршување на траењето на важноста на судските наредби на 1.541 број или вкупно 5.827 телефонски броеви. Биле прислушувани над 20 илјади граѓани.

Во „Триста“ е обвинет поранешниот помошник-министер за внатрешни работи Ѓоко Поповски за злоупотреба на службена должност при набавката на 300 возила за потребите на Министерството за внатрешни работи.

Судијката Добрила Кацарска во мај минатата година го осуди Поповски на девет години затворска казна за злоупотреба на службената должност, а во декември минатата година Апелација ја укина првостепената пресуда за случајот и го врати на повторно судење.

Според обвинението на СЈО, Поповски не ги почитувал законските прописи за јавна набавка и го оштетил буџетот 453.570 евра. 

реклама

Пет розови фламинга во посета на Преспанското Езеро

Read more

Дневен биланс: 141 новозаразен од COVID-19, 4 лица починаа

Read more

Кога кај нас вака: Велосипедска патека долж брегот во Турција, #НаТочак апелира за вакви промени и во Македонија

Read more

Приведен малолетникот кој потпалуваше шума на Tik-Tok

Read more

Македонија

Дневен биланс: 141 новозаразен од COVID-19, 4 лица починаа

Read more

НБ: Сите мерки што ги презедовме кон Еуростандард банка се за заштита на депонентите

Read more

Хаџиев: Од ФОД ќе бидат обесштетени депозитите на 99,4% од физичките депоненти во Еуростандард банка

Read more

Локални поројни врнежи, ветер, грмежи и град викендов

Read more

Вести

Дневен биланс: 141 новозаразен од COVID-19, 4 лица починаа

Читај повеќе

НБ: Сите мерки што ги презедовме кон Еуростандард банка се за заштита на депонентите

Читај повеќе

Хаџиев: Од ФОД ќе бидат обесштетени депозитите на 99,4% од физичките депоненти во Еуростандард банка

Читај повеќе

САД запленија иранска нафта на пат кон Венецуела

Читај повеќе

Локални поројни врнежи, ветер, грмежи и град викендов

Читај повеќе

Србија: Од денеска задолжителен ПЦР тест за граѓаните на 5 соседни држави

Читај повеќе

Фаучи: Не сум задоволен од развојот на ситуацијата, отворањето на училиштата може да има катастрофални последици

Читај повеќе

Приведен малолетникот кој потпалуваше шума на Tik-Tok

Читај повеќе

Продолжуваат консултациите за формирање Влада

Читај повеќе