Севернокорејскиот лидер Ким Џонг Ун во јули се појави на состанок со фластер на задниот дел од главата, а тоа поттикна нови шпекулации за неговата здравствена состојба.
На снимка што се појави во медиумите на 30 јули, а која сè уште не е официјално потврдена, лидерот е прикажан на состаноци со воени и полициски челници во Пјонгјанг од 24 јули до 27 јули, пишува NBC News.
Последниот ден повеќе нема фластер на главата, но на истото место се гледа темна дамка. Мистериозната дамка поттикна нови шпекулации за неговото здравје.
На други фотографии објавени од Корејската централна телевизија (KCTV), со настани од крајот на јули, се гледа како 37-годишниот Ким има фластер на задниот дел од главата. Новите шпекулации за здравјето на Ким се јавуваат во време кога Северна Кореја е соочена со сериозни проблеми вклучително и со пандемијата на коронавирус, недостиг на лекови и медицински персонал.
Не е познато дали Ким е вакциниран, ниту податоци аз тоа дали неговата земја примила странски вакцини. Во вторникот е објавено дека Северна Кореја ќе ги употреби воените резерви на ориз додека земјата е погодена од недостаток на храна и суша.