Двајца играчи и тренер се новите позитивни на во таборот ан Џеноа, а за среќа меѓу нив не е нашиот Пандев. Кај Наполи позитивни се еден играч и еден тренер, Елмас е негативен.
Џеноа ги откажа сите тренинзи барем до понеделник. На 16-те позитивни денеска се додадоа уште тројца и тоа играчите Петар Брлек и Муха Зајц, како и тренерот Валтер Бресан. Со тоа вкупната бројка на позитивни кај Џеноа се искачи на 19.
Откако во таборот на Наполи при првото тестирање немаше ниту еден случај на COVID-19, денеска се појавија првите двајца. Станува збор за полскиот играч од средниот ред Пјотр Желињски кој е асиптоматичен, како и помошниот тренер Кристијано Џунтоли.
Желињски веднаш отпадна од составот на Џенаро Гатузо за дерби пресметката против Јувентус в недела вечер, а отпаѓа и од репрезентацијата на Полска за претстојните натпревари од Лигата на нации против Италија и Босна и Херцеговина, како и пријателската со Финска.
Наполи утре сабајле ќе направи и трето тестирање по што ќе се знае дали ќе се игра дуелот со Јуве, во зависност од тоа колкумина ќе бидат позитивни.