Актерката Ема Стоун беше изненадена кога новинар на прес-конференција ѝ се обрати со вистинското име.
Имено, оскаровката одговараше на прашања за време на конференцијата за претстојниот филм „Kinds of Kindness“ на Канскиот филмски фестивал, а во еден момент ѝ се обрати новинар од Казахстан кој ја изненади кажувајќи го нејзиното вистинско име.
„Моите прашања се насочени кон Емили Стоун и Јоргос Лантимос, па Емили...“, новинарот се обрати кон Стоун и режисерот на филмот, Јоргос Лантимос.
Но, мислејќи дека репортерката го згрешила нејзиното име, режисерот Лантимос брзо го исправи велејќи „Ема“, на што Стоун одговори велејќи: „Се викам Емили, благодарам. Многу убаво“.
@mtvuk Emma Stone had the sweetest reaction to being called her real name, Emily, during the #KindsOfKindness press conference at Cannes Film Festival 💖 #EmmaStone #CannesFilmFestival #Cannes #MTVCeleb ♬ original sound - mtvuk
Иако не е јасно дали новинарот го знаел нејзиното вистинско име или ненамерно употребил слично име, Емили е всушност вистинското име на актерката и таа беше воодушевена од потегот.
Инаку, пред само еден месец Стоун за медиумите изјави дека би сакала да ја викаат Емили наместо Ема. Таа претходно објасни дека иако нејзиното родено име е Емили Стоун, таа морала да го смени кога ја добивала картичката од Screen Actors Guild бидејќи веќе имало актерка по име Емили Стоун во синдикатот.
