Руската служба за безбедност (ФСБ) објави дека дописникот на американскиот весник Wall Street Journal Еван Гершкович е приведен во градот Екатеринбург под сомнение за шпионажа.
Во соопштението пренесено од Интерфакс, ФСБ наведува дека „го запрела незаконските активности на американскиот државјанин Еван Гершкович, роден 1991 година, дописник на московскиот огранок на американскиот весник Wall Street Journal, акредитиран во руското Министерство за надворешни работи, под сомнение за шпионирање за интересите на американската влада“.
Американскиот весник сè уште не го коментирал случајот.
„Гершкович добил задолжение од американската страна да собира информации за активностите на едно од претпријатијата на воено-одбранбениот комплекс“, се вели во соопштението, но не се наведуваат никакви докази.