По поразот во полуфиналето на Австралија Опен од Јапонката Наоми Осака со 6:3 и 6:4, американската тенисерка Серена Вилијамс (39) се расплака и ја прекина прес-конференцијата по низата прашања на новинарите кои ѝ сугерираа можно пензионирање.
По поразот, Серена не го напушти теренот веднаш. Остана подолго од вообичаеното, ѝ мавташе на публиката, се поклони трипати пред трибините на Род Лејвер Арена и дури потоа отиде во соблекувалната.
На прашањето дали веќе се простила од гледачите додека излегувала од арената и дали можеби ова било нејзиниот последен настап на тенискиот Грен слем турнир во Мелбурн, Американката со насмевка одговори:
„Не знам. Ако некогаш се збогувам, не би му признала на никого. Па..."
Следуваше последното прашање за бројните грешки за време на натпреварот и дали тоа беше само лош ден, по што Серена се скрши емотивно:
„Не знам... завршив“, рече Вилијамс, почна да плаче, стана и ја напушти прес салата.
Легендарната тенисерка со тоа пропушти уште една шанса за 24-та Грен слем титула за да се изедначи со познатата Маргарет Корт.
