Неколку дена откако суптилно најави дека наскоро ќе објави нов албум, британската пејачка Адел објави дека долгоочекуваниот албум „30“ ќе пристигне на 19 ноември годинава.
Покрај насловната фотографија на албумот, Адел објави и порака за своите обожаватели, објаснувајќи им како се чувствува додека работела на овој материјал.
Напишала дека албумот „30“ ѝ бил голема поддршка и поткрепа додека го минувала најтурбулентниот период од нејзиниот живот и дека долго време тој бил нејзин најдобар пријател.
Да потсетиме, Адел ќе ја претстави песната „Easy On Me“ пред албумот „30“. Синглот пристигнува на 15 октомври, а Адел пред неколку дена за фановите објави дел од песната на Instagram.
