Apple Watch 5 се покажа како одличен уред за здравје и фитнес, но претстојниот Apple Watch 6 ќе биде многу подобар.
Apple Watch Series 6 треба да направи некои промени кои ќе бидат фокусирани на здравјето.
Techradar пишува дека Apple Watch ќе има сензор кој ќе може да детектира напади на паника. Аналитичарот Џон Просер рече дека новиот паметен часовник ќе биде фокусиран на можноста да се поврзе и со менталното здравје.
Просер рече дека Apple Watch 6 може да го анализира нивото на кислород во крвта врз основа на бројот на отчукувања на срцето.
Часовникот ќе детектира напади на паника пред да се случат и ќе го предупреди корисникот.
Исто така, новиот паметен часовник на Apple ќе биде идеален за љубителите на јога. Ваквите најави се темелат на патентот кој неодамна го одобри Apple, пишува Techradar.
Новиот Apple Watch се очекува да пристигне кон крајот на оваа или на почетокот на наредната година.