Уникатниот Ferrari SP38 Deborah, базиран на серискиот модел 488 GTB, го имаше своето деби пред публиката во познатата вила d'Este на езерото Комо.
Најновиот автомобил од одделението Special Projects на компанијата од Маранело направен е по желба на купувачот.
Ferrari SP38 изгледа потполно поинаку во однос на моделот 488, всушност, надворешниот изглед на овој суперавтомобил е толку радикален што повеќе личи на некој концепт, отколку на возило подготвено да излезе на патиштата, што најдобро може да се види на снимките од премиерата на автомобилот:
Познати се податоци за моторот, односно се знае дека за погон е употребен посилен 3.9 литарски би-турбо V8 со 710 коњски сили (како и во Ferrari 488 Pista, кој е претставен на саемот во Женева во март оваа година).
Инаку, Ferrari програмата за изработка на единствени примероци ја започна за да ги задоволи желбите на моќните колекционери на автомобили со класичното лого на произведувачот.