Новиот електричен модел на компанијата FCA, ја освои наградата Red Dot 2020, едно од најпосакуваните признанија во светот на индустрискиот дизајн.
Новиот FIAT 500 ја освои наградата во категоријата „дизајнерски концепт“, една од трите категории на наградата Red Dot за дизајн.
Стручното жири истакнува дека оваа награда е доделена „за уникатен и одличен дизајн кој се истакнува во однос на конкуренцијата“.
Електричниот FIAT 500 дебитираше во март 2020 година.
Автомобилот развива 120 КС, а од 0 до 100 км/ч забрзува за 9 секунди. Со едно полнење на батеријата може да се поминат до 320 км. Батеријата се полни до 80% за 35 минути.