Apple ги претстави новите модели на iPad Pro, а експертите сметаат дека тие ги донеле можеби најголемите подобрувања. Речиси сè за нив е ново и подобро од порано.
Новиот iPad Pro се напојува со M4, односно четвртата генерација на Apple процесор. Претходните процесори дебитираа во MacBook, така што дебито на новиот процесор заедно со таблет компјутер е добар показател за довербата што Apple ја дава во новиот iPad Pro.
Процесорот е развиен на 3nm процес и е 1,5 пати побрз од M2, додека извршувањето на графичките задачи е до 4 пати подобро. Ефикасноста е двојно зголемена бидејќи M4 може да ги испорача истите перформанси како M2 што ги напојуваше моделите iPad Pro од 2022 година со половина од моќноста. Apple воведе неколку нови функции за Final Cut pro и други апликации со вештачка интелигенција.
Покрај тоа, тој е и најтенкиот производ на Apple во историјата, бидејќи е дури потенок од седмата генерација на iPod Nano, чија дебелина беше 5,4 мм. Дебелината на 11-инчниот модел е 5,3 мм, додека 13-инчниот модел е уште потенок со 5,1 мм. Алуминиумската обвивка на таблетот, која е достапна во сребрена и Space црна боја, е направена од 100% рециклирани материјали.
Кога сме кај екраните, мини-LED и IPS LED станаа минато и беа заменети со OLED технологија. Apple вели дека тоа е „тандем OLED екран“, што значи дека два OLED панели се наредени еден врз друг за да се зголеми осветленоста. Компанијата ветува до 1.000 осветленост на цел екран за SDR и до 1.600 нита за HDR содржина.
Екраните ProMotion можат да ја приспособат брзината на слики помеѓу 10 и 120 Hz, а и двата имаат густина на пиксели од 264 ppi. Тоа значи резолуција од 2.420x1.668 пиксели за 11-инчниот модел или 2.752x2.064 пиксели за моделот од 13 инчи.
По желба, на заштитното стакло може да се изгравира нано-текстура за да се намали отсјајот и да се расфрла помалку амбиентална светлина, но овој додаток чини 130 евра и е достапен само за модели со меморија од 1 и 2 TB.
Apple ја претстави и Pro верзијата на својот Apple Pencil Pro, кој има нов сензор и е чувствителен на стискање, што може да се користи за брзо менување на поставките при цртање. Pencil Pro се поврзува со мрежата Find My, така што е лесно да се најде ако се изгуби.
Има и други додатоци, сосема новата Magic Keyboard која е потенка и полесна и одговара на дизајнот на новите Pro таблети. Оваа тастатура има функционален ред и поголема подлога за следење, а Apple вели дека „целото искуство се чувствува како да користите MacBook“. Ако некому не му треба целосна тастатура, тука е Smart Folio, кој магнетски се поврзува со таблетот и може да го држи под неколку агли.
Новите модели на iPad Pro се достапни онлајн во 29 земји, додека во продавниците на Apple пристигнуваат на 15 мај.
Во зависност од спецификациите и големината, iPad Pro чини од 1.200 до 2.760 евра во Германија.
