Мобилни

Новиот смартфон на Vivo ќе има поп-ап селфи камера со 32 мегапиксели

8. февруари 2019 - 11:36 | А.С.

Кинеската компанија Vivo најави дека нејзиниот следен смартфон Vivo 15 Pro ќе има поп-ап селфи камера од 32 мегапиксели.

Овој смартфон е втор обид на Vivo да ја популаризира предната поп-ап камера и ќе биде официјално претставен на 20 февруари на Mobile World Congress во Барселона, Шпанија.

Познати се многу малку детали за смартфонот, но се знае дека поп-ап селфи камерата ќе биде значително подобрена.

Vivo уште лани го претстави концептот Nex S со вакво решение. Иако концептот на камера на извлекување е интересен, голем недостаток беше што тоа беше камера со 8 мегапиксели.

Меѓутоа, камерата со 32 мегапиксели на уредот Vivo 15 Pro би требало да биде подобар тест на концептот.

Vivo потврди дека и V15 Pro ќе има сензор за отпечаток од прст интегриран во екранот, како и во Nex S.

Цената засега не е позната, па останува да го чекаме конгресот во Барселона за да дознаеме повеќе детали.

Коментирај