Познатиот американски режисер го заменува Колин Тревороу на режисерското столче, и ќе биде сценарист и режисер на последното продолжение од новата трилогија на „Star Wars“.
Раководството на „Lucasfilm“ денес објави дека Џеј Џеј Абрамс е новиот режисер на деветтото продолжение од франшизата „Star Wars“. Џеј Џеј Абрамс беше режисер и на првото продолжение од новата трилогија, кое беше насловено „Star Wars: The Force Awakens“.
„Со ‘Force Awakens‘, Абрамс не само што ги исполни нашите барања и барањата на публиката, туку и ги надмина сите очекувања кои ги имавме од него. Многу сум возбудена што се враќа за да ја заврши работата во новата трилогија“, изјави Кетлин Кенеди, претседателот на „Lucasfilm“, на официјалниот блог на „Star Wars“.
Абрамс освен режисерската улога, ќе ја има и задачата да го напише сценариото за „Star Wars: Episode IX“, заедно со Оскаровецот Крис Терио.
Помеѓу продуцентските компании, освен „Disney“, се наоѓаат уште и „Lucasfilm“ и „Bad Robot“.