Ефикасноста на руската вакцина против коронавирус Спутник V изнесува 97,6 отсто, заснована врз анализа на податоците за процентот на имунизирани Руси, соопштија Националниот истражувачки центар за епидемиологија и микробиологија на Гамалеја и Рускиот фонд за директни инвестиции (РДИФ).
„Вакцината Спутник V покажа ефикасност од 97,6 отсто врз основа на анализата на податоците за степенот на инфекција со коронавирус меѓу оние во Русија, кои се вакцинирани со двете компоненти на Спутник V“, се наведува во соопштението.
Според податоците од 3,8 милиони Руси, вакцинирани со двете компоненти на Спутник V од 5 декември до 31 март, степенот на инфекција, почнувајќи од 35-от ден од датумот на првото инјектирање, е само 0,027 проценти, во споредба со 1,1 процент на инциденца меѓу невакцинираните.
Формулата според која е добиен процентот на ефикасност на вакцината е следнава:
„Податоците и пресметките за ефикасноста на вакцината ќе бидат објавени во медицинските списанија следниот месец“, се додава во соопштението.
Освен во Русија, Спутник V досега е одобрена за користење и во Белорусија, Аргентина, Боливија, Србија, Алжир, Палестина, Венецуела, Парагвај, Туркменистан, Унгарија, ОАЕ, Иран, Гвинеја, Тунис, Ерменија, Мексико, Никарагва, Република Српска (составен дел од Босна и Херцеговина), Либан, Мјанмар, Пакистан, Монголија, Бахреин, Црна Гора, Свети Винцент и Гренадини, Казахстан, Узбекистан, Габон, Сан Марино, Гана, Сирија, Киргистан, Гијана, Египет, Хондурас, Гватемала, Молдавија, Словачка, Ангола, Конго ДР, Џибути, Шри Ланка, Лаос, Ирак, Северна Македонија, Кенија, Мароко, Јордан, Намибија, Азербејџан, Филипини, Камерун, Сејшели, Маврициус, Виетнам, Антигва и Барбуда, Мали, Панама и Индија.
