На 18 февруари роверот Perseverance се спушти на Марс и на Земјата ги испрати првите фотографии. Оттогаш, тимот на НАСА постојано објавува новости поврзани со истражувањето на роверот околу областа на кратерот Језеро.
Овој пат е прикажан панорамски поглед на Црвената планета, направен од камерите на роверот Perseverance. Станува збор за фотографии со висока резолуција, направени на 20 февруари.
Роверот има мисија да пронајде траги на микробиолошки живот на Црвената планета. Роверот ќе собира камења и примероци од површината на Марс.
Претходно, НАСА ја објави и првата аудиоснимка од слетувањето на роверот на Марс.
НАСА објави и нова снимка од слетувањето на Perseverance.