Јупитер е најголемата планета во Сончевиот систем, но најновите докази покажуваат дека оваа планета истовремено е и најстара. Според научници од САД и Германија, планетата се формирала пред 4,5 милијарди години.
Ова е прво истражување во кое научниците ја одредиле точната старост на Јупитер. Водачот на студијата, Томас Круијер објаснува дека научниците не поседуваат примероци на материјали земени директно од планетата, за разлика од Месечината и Марс, затоа за истражувањето користеле метеорити од Јупитер, пронајдени на Земјата. Поточно, се послужиле со изотопските потписи на тие метеорити за да ја одредат староста на Јупитер.
Сончевиот систем е стар 4,65 милијарди години, а Јупитер е милион години помлад. Според новата студија, средиштето на Јупитер се формирало меѓу милион до десет милиони години по создавањето на Сончевиот систем.
