Кошаркарите на Денвер Нагетс го победија Детроит Пистонс со 134:121, благодарение на уште една феноменална партија на Никола Јокиќ.
Јокиќ беше извонреден со 37 поени, 9 скокови и 8 асистенции, погоди и 4 од 5 тројки, но многу помогнаа Џамал Мареј кој постигна 34 поени, а и Мајкл Портер Џуниор кој додаде 26 поени.
Кејд Канингем и Џејден Ајви постигнаа по 17 поени за Детроит.
Голден Стејт Вориорс го совлада Феникс Санс со 109:105, а кај гостите не играше босанскиот центар Јусуф Нуркиќ, кој е суспендиран на 3 натпревари поради тепачката на натпреварот против Далас.
Кај Вориорс, Џонатан Куминга постигна 34, Стеф Кари 22 поена, а на другата страна најефикасен беше Кевин Дурент со 31 поен.
Ентони Дејвис одигра феноменална партија на мечот во кој Лос Анџелес Лејкерс на свој паркет го совлада Сакраменто Кингс со 132:122, а тој постигна 36 поени со 15 скока и 8 асистенции.
Леброн Џејмс не играше за Лејкерс поради болест, но останатите играчи на Лејкерс беа расположени, предводени од Остин Ривс со 26 поени и 16 асистенции. Руи Хачимура постигна 21 поен, Макс Кристи постигна 16, а Далтон Конект додаде 18 поени.
Де'Арон Фокс ги предводеше „Кралевите“ со 29 поени и 12 асистенции, а ДеМар ДеРозан постигна 25 поени.
Џејлен Брунсон постигна дури 55 поени во победата на Њујорк Никс над Вашингтон Визардс со продолжение од 136:132.
Карл-Ентони Таунс додаде 30 поени и 14 скока за Никс, а Микал Бриџис постигна 21 поен.
Џастин Шампањ го предводеше Вашингтон со 31 поен. Брогдон постигна 22 поени, Кулибали 18, Карингтон додаде 17, а Џорџ 13 поени.
Резултати:
Шарлот Хорнетс - Оклахома Сити Тандер 94:106
Вашингтон Визардс - Њујорк Никс 132:136 (прод.)
Чикаго Булс - Милвоки Бакс 116:111
Голден Стејт Вориорс - Феникс Санс 109:105
Денвер Нагетс - Детроит Пистонс 134:121
Јута Џез - Филаделфија 76ерс 111:114
Портланд Трејл Блејзерс - Далас Маверикс 126:122
Лос Анџелес Лејкерс - Сакраменто Кингс 132:122
Табела:
