Новогодишните прослави со колегите од работа често завршуваат со секс меѓу колегите, покажа истражувањето на компанијата „LELO“. Според резултатите од истражувањето, повеќе од 40% од луѓето имаат секс со колега или колешка по журката, а 83% од нив не жалат и пак би го повториле истото.
Најопуштени се покажале вработените во продажба, а потоа во секторот за здравство, па вработените во транспорт и логистика.
Повеќе од половина од испитаниците (52%) ја објасниле авантурата како последица на привлечноста кон колегата, односно колешката, а 31% не можат да објаснат како дошло до тоа.
Кога станува збор за изборот на партнер, изненадува податокот дека мал број испитаници, 18%, изјавиле дека имале секс со надреден во фирмата, а 5% признале дека се впуштиле во авантура со нивни вработени на новогодишната забава.
Интересно е што 97% од испитаниците кои имале секс со колега односно колешка, изјавиле дека единствената негативна последица било чувството на непријатност кога доаѓале на работа наредниот ден по „акцијата“.
„Иако оваа анкета дава увид во некои секси податоци, сепак загрижува фактот дека луѓето најчесто не користат заштита кога имаат секс за една вечер. Користењето кондоми е задолжително за спречување на заразување со сексуално преносливи болести и инфекции, како и несакана бременост’, вели Стив Томсон, извршен директор на компанијата „LELO“.
