Неверојатниот пресврт на Њу Ореанс Пеликанс и резилот на Голден Стејт Вориорс ги обележаа натпреварите во НБА лигата одиграни на денот на Мартин Лутер Кинг.
Њу Орлеанс во продолжението ја победија Јута Џез со 123:119, откако во регуларниот тек надоместија негатива од 25 поени.
Блескаше СиЏеј Мекалум, кој постигна 45 поени, заедно со 8 скокови и 4 асистенции.
Го следеше Дежонте Мареј со 26 поени, 11 асистенции и 9 скокови, додека Треј Марфи додаде 24 поени и 7 скокови.
На другата страна се истакна Кијонте Џорџ со 23 поени и 7 асистенции, Ајзеа Колиер постигна 20 со 11 асистенции, а Вокер Кеслер и Свјатослав Михалук постигнаа по 19 поени.
Бостон Селтикс во Сан Франциско го декласираше Голден Стејт со 125:85. Селтикс, пред три години беа поразени од Вориорс во големото финале, оттогаш имаат посебен мотив кога играат против нив.
Во Сан Франциско го размонтираа домаќинот, а разликата во еден момент изнесуваше 45 поени.
Најефикасен на овој меч беше Џејсон Тејтум со 22 поени, 9 скокови и 7 асистенции.
Латвиецот Кристапс Порзињѓис постигна 18 поени и имаше 7 скокови. Џејлен Браун додаде 17 поени, а Пејтон Причард 14 поени со 9 асистенции.
На другата страна донекаде се истакна Стеф Кари со 18 поени, а двоцифрен беше и Моузес Муди со 13 поени, 6 скокови и 5 асистенции.
Резултати:
Шарлот Хорнетс - Далас Маверикс 110:105
Хјустон Рокитс - Детроит Пистонс 96:107
Мемфис Гризлис - Минесота Тимбервулвс 108:96
Њујорк Никс - Атланта Хокс 119:110
Кливленд Кавалирс - Феникс Санс 118:92
Голден Стејт Вориорс - Бостон Селтикс 85:125
Њу Орлеанс Пеликанс - Јута Џез 123:119
Лос Анџелес Клиперс - Чикаго Булс 99:112
Табела:
