
Рубриката Hiljadu decibela на словенечкото RadioStudentFM 89.3 ја објави годишната листа на најдобри албуми од Балканот и во изборот за 2024 го брои и „Нудист“ на Пијан Славеј, проект зад кој стои македонскиот музичар Бранислав Николов, фронтменот на „Фолтин“.
„Нудист“, кој се најде на второто место на листата, беше објавен во пресрет на 23-тото издание на OFFest, преку дискографската куќа SJF Records.
Вториот студиски проект на Пијан Славеј се состои од 4 композиции, во вкупно времетраење од 17 минути. Автор на текстовите е Бранислав Николов, а музиката и аранжманите се дело на групата. Песните се снимени, миксани и продуцирани од Ивица Јанкуловски во скопското студио „Алшар“. Дизајнот на омотот е дело на уметникот Владимир Лукаш. Извршен продуцент на изданието е Оливер Белопета.
Целосната листа на Топ 10 албуми од Балканот за 2024 година на RadioStudentFM 89.3 изгледа вака:
1. Neon Lies - Demons (Wave Tension Records)
2. Pijan Slavej - Nudist (SJF Records)
3. Roza - 800.006 (samozaložba)
4. Lab Personnel - SYNTH JAM jedinstvo 2020 (Lab Personnel)
5. Acid Hags - Tempora Matandur (Olde Scratch Records)
6. Luka Rajić - Deca novog mileniuma (Universal Music Austria)
7. Nemeček - Prokletije II (samozaložba)
8. My Tear - Кога не се сакаме (Pop Depression)
9. Dezinformacije - Pijesak u oči (samozaložba)
10. Astigma - Lost Reality (samozaložba)