За 14 години во Њујорк ќе биде забранета продажбата на автомобили што користат фосилни горива.
Американската сојузна држава Њујорк, чија главен град го носи истото име, донесе закон според кој од 2035 година нема да биде дозволено да се продаваат автомобили на фосилни горива, што значи дека сите нови автомобили ќе мора да имаат емисија „еднаква“ на нула.
Сенатот и собранието на Њујорк поднесоа предлог-закон потпишан од гувернерката Кети Хохул, со кој ќе се обидат да ги намалат емисиите гасови до 35%, со цел да се оди чекор нанапред во остварувањето климатските цели, вклучително и намалување на емисиите на стакленички гасови до 85% до 2050 година.
Стакленичките гасови се гасови што придонесуваат за зголемување на ефектoт на стаклена градина кој влијае врз загревање на планетата Земја, кое настана со пореметување на енергетската рамнотежа помеѓу количината на зрачење кое од Сонцето го прима и во вселената го зрачи земјината површина. Ефектот на стаклена градина, кој во минатото беше благослов за Земјата, во последното столетие, засилен од човечките активности, се чини дека се претвора во сериозна закана.
Сепак, Њујорк има многу работа, бидејќи електричните автомобили во моментов сочинуваат само 1% од продадените возила во оваа сојузна држава.
Затоа, според новиот закон, неколку државни агенции мора да соработуваат во развојот на стратегија за пазарот на електрични возила, која треба да биде готова до крајот на следната година. Неопходно е да се најде изводлив начин за продажба дури и на теренски возила и опрема без емисија на гас во земјата од 2035 година.
Покрај убедувањето на луѓето да купуваат електрични возила, Њујорк треба да изгради и мрежа од полначи, а нивните локации вклучуваат станови, продавници, трговски центри и паркинзи.
Калифорнија, исто така, има закон со кој се забранува продажба на нови автомобили со МСВС мотори од 2035 година, а слично нешто има и во Масачусетс со престолнината Бостон. Но, претходно пропадна обидот да се воведе истиот закон во Вашингтон.