Нуредини: Од 1 јануари државните институции нема да набавуваат пластика за еднократна употреба

Скопје, 18 декември 2019 (МИА) – Министерот за животна средина и просторно планирање Насер Нуредини денеска соопшти дека Владата ја усвоила иницијативата на Министерството за престанок на набавки на пластика за еднократна употреба и пластична амбалажа од страна на државните институции која ќе стапи во сила од 1 јануари 2020 година.

– Ова значи дека во следната јавна набавка спроведена од страна на Владата пластичните шишиња ќе бидат заменети со стаклени, нема да се набавуваат пластични чаши, сламки, лажичиња и друг пластичен прибор за еднократна употреба и нема да се набавуваат добра како шеќер во пластична амбалажа, туку рефус, појасни Нуредини пред почетокот на јавната дискусија со претставниците од локалната самоуправа и јавните комунални претпријатија.

Тој посочи дека било одлучено и дека Службата за општи работи и услуги и сите министерства, органи во состав, секретаријати и стручни служби нема да склучуваат договори за јавна набавка со производители, без да поднесат доказ дека најмалку за тековната година во целост ги исполниле обврските во согласност со законодавството во областа на проширена одговорност на производителот за управување со посебните текови на отпад.

Овие мерки, како што посочи Нуредини, се дел и од планот за спречување на создавањето отпад во РСМ, кој бил подготвен од страна на Министерството и ќе биде официјално донесен по усвојувањето на новиот пакет закони за управување со отпадот кој во моментот е во фаза на консултации и за кој се одржуваат јавни расправи.

Министерот рече дека засега сите компании оваа иницијатива ја прифатиле позитивно и е мерка што сите треба да ја прифатат, односно, како што рече, треба да се преземе одговорност од сите страни.

– Внимателно разгледајте ги законите кои се предложени, тоа се шест закони што се во линија со ЕУ законодавството и со меѓународните стандарди и се преземени практиките кои функционираат во другите земји. Приватниот сектор ги презема своите обврски, разбира дека треба да преземе одговорности и да ги поднесе финансиските обврски што доаѓаат. Многу е важно да се разгледаат овие закони и да се добие поддршката за да поминат, да бидат усвоени и да почне да се применуваат за да се воспостави тој одржлив систем за управување со отпад, рече Нуредини.

Тој смета дека Скопје не е најзагаден град во светот и посочи дека работат напорно да ги сменат и да ги применуваат законите, затоа што, како што рече, не е важно само да се создаде законот, треба да го примениме, а за да ги примениме, потребна е поддршка од сите.

Во однос на тоа дали ќе се применат мерките за аерозагадувањето, Нуредини рече оти се свесни дека е загадено и дека концентрациите се високи, но се додека прагот на загаденост не се помине нема да се преземат мерките што се пропишани согласно закон.

Новиот пакет закони, како што посочија од Министерството, ги надградува правилата и процедурите за управување со отпад од пакување, батерии и акумулатори, како и електрична и електронска опрема, но воведува и нов Закон за дополнителни текови на отпадот што ќе го регулира управувањето со отпад од возила, гуми, масла и текстил.

Јован Мазгански од невладината организација „Еко-Скопје“ денеска изјави дека не се задоволни од мерките преземени од страна на власта за проблемот со аерозагадувањето.

– Не верувам дека власта презела сѐ што треба да преземе, мислам дека најмногу затаиле инспекциските служби. Се обидуваат, но тоа не е доволно, веројатно треба значајно повеќе да се направи, рече Мазгански.

Тој смета дека пластичните ќеси се проблем, меѓутоа за загадувањето на воздухот не се проблем.

– Би ѝ порачал на власта да не одиме на некои периферни проблемчиња кои можеме полесно да ги решиме, па да залажуваме дека проблемот е решен или ќе го решиме. Проблемот се решава значајно повеќе, рече Мазгански.

реклама

Принцот Филип опериран од срце во стотата година од животот

Read more

Кој е најмудриот хороскопски знак според астролозите?

Read more

Со измени на Законот за легализација на дивоградби се продолжува неговата важност за уште пет години

Read more

L'Equipe не штедеше навреди за Ѓоковиќ, дури и на лично ниво

Read more

Македонија

СДСМ ќе поддржи една изборна единица за следните парламентарни избори

Read more

Заев: Во недела се очекуваат првите 3.000 руски вакцини

Read more

Судењето за „27 април“ продолжува на 12 март

Read more

Филипче: Набавуваме сензори за мерење дијабетес кај деца

Read more
 

Вести

Доделени годишните новинарски награди на ЗНМ

Читај повеќе

СДСМ ќе поддржи една изборна единица за следните парламентарни избори

Читај повеќе

Кривична за беровци поради организирање прослава во затворен простор

Читај повеќе

Медицинска сестра обвинета за примање награда за противзаконито влијание

Читај повеќе
  • play_arrow

Папата пристигна во историска посета на Ирак

Читај повеќе

Заев: Во недела се очекуваат првите 3.000 руски вакцини

Читај повеќе

Судењето за „27 април“ продолжува на 12 март

Читај повеќе

Почина работник од дојранско додека извршувал работни задачи

Читај повеќе

Расте бројот на починати и заразени во Италија

Читај повеќе