УФЦ борачот Хабиб Нурмагомедов изјави дека сака да се бори против боксерската легенда Флојд Мејведер во Москва.
Претходно, Мејведер му порача на Нурмагомедов да дојде во неговиот свет откако Хабиб изјави дека сака да се обиде и во боксот. Дагестанскиот борач изјави дека се сретнал со генералниот секретар на Руската боксерска федерација за да се оствари планот за борба.
„Сигурни сме дека ќе собереме 100.000 гледачи. Сакаме борбата да се одржи во Москва, борбата би поставила нов рекорд кога станува збор за заработката“, вели Нурмагомедов.
Мејведер има 50 победи и ниеден пораз. Во август, 2017 година се соочи со Мекгрегор и го победи. Тогаш, борбата донесе 450 милиони фунти, а Американецот заработи 210 милиони фунти.
Нурмагомедов има 27 победи без порази.
