Според податоците на Центарот за контрола и превенција на болести, во 2018 година 42% од Американците имале прекумерна дебелина, што е раст од 12 отсто во однос на 18 години претходно.
„Прекумерниот внес на калории е најголем проблем и причина за дебелеење. Генетиката исто така игра голема улога, но ако изедете повеќе калории отколку што ќе согорите, ќе се здебелите“, објасни нутриционистката Грејс А. Дероча.
Сè повеќе јадеме преработена храна, а сè помалку домашна храна со здрави маснотии. Освен тоа, со зголемување на бројот на седечки професии се согоруваат уште помалку калории. Со тоа се зголемува ризикот од прекумерна дебелина, но во комбинација со други болести и ризик од смртност.
До зголемување на телесната тежина доаѓа кога ќе внесете повеќе калории отколку што му е потребно на вашето тело, па поради ова телото ги претвора во масти.
„Вишокот на калории го зголемува бројот на масни станици во телото. Со консумирање на преработена храна внесувате многу хемикалии во телото и тоа ужасно му пречи“, објаснува нутриционистката.
Избегнувајте калорична храна, консумирајте помалку калории и обидете се да согорите повеќе калории во текот на денот со вежбање и движење т.е направете калориски дефицит.
Намалете го внесот на калории дневно за 500 калории. Кога ќе ги помножите со 7 дена во неделата, тоа се 3.500 калории. Според тоа, за една недела ќе изгубите половина килограм масти.
Ако ви е тешко да го намалите внесот на калории, тогаш обидете се да согорите повеќе калории во денот. Ако внесете 300 калории помалку отколку претходно, а согорите 200 калории, исто така ќе изгубите околу 500 грама масти неделно.