Градоначалникот на Општина Кисела Вода, Орце Ѓорѓиевски, соопшти на Facebook дека е обиен неговиот автомобил, на кој е нанесена видлива материјална штета.
Случајот го пријавил во полиција, а во јавноста порача никој нема да го заплаши.
„Вечерва 'непознати сторители' го обија мојот автомобил нанесувајќи материјалнa штета. Случајот е пријавен во полиција (искрено не очекувам да бидат најдени). Иако навидум сторителите се непознати, причините се јасни.
Намерата им е да ме 'поздрават' затоа што се справувам со урбаната мафија која дивееше и беше главна во време на претходниците. Е па веќе не смее да припари урбаната мафија накај општина, општината ја водат граѓаните“, вели Ѓорѓиевски во соопштението.
Додаде дека на никој нема да го „заплаши” или премисли во намерите да го исполни ветеното.
