MGM Studios го објави финалниот трејлер за No Time To Die, последниот Џејмс Бонд филм со Даниел Крег во главната улога.
Филмот требаше да биде прикажан минатата година, но беше одложен поради пандемијата со COVID-19.
Дејството се одвива околу Бонд како ужива во мирниот и повлечен живот во Јамајка. Неговиот мир за жал е нарушен кога од него ќе побара помош агент на ЦИА. Мисијата е да се спаси киднапиран научник, но целата работа не се одвива според планираното и Бонд се соочува со мистериозен негативец вооружен со опасна нова технологија.
Премиерата е закажана за 8 октомври.