Последниот трејлер пред премиерата на петтата и последна сезона од хит серијата You е објавен на официјалните социјални мрежи на Netflix.
Главната улога во сите пет сезони на серијата ја имаше американскиот актер Пен Беџли, кој на повеќето гледачи им е најпознат по улогата во серијата Gossip Girl.
Петтата сезона се одвива приближно три години по настаните од четвртата сезона, а Џо Голдберг сега е во стабилен брак со неговата сопруга Кејт Локвуд, со која го расте синот Хенри, кој го доби со неговата поранешна партнерка Лав. Новата сезона открива дека Џо не убил никого откако гледачите последен пат го виделе.
Џо има беспрекорна репутација и многу пари. Но, привлечноста на неговата внатрешна темнина, во комбинација со неговата историја на насилство, се заканува да уништи сè што има додека серијата се приближува до спектакуларно и напнато финале.
На Беџли му се придружуваат во актерската екипа за петтата сезона од Шарлот Ричи, Ана Камп, Грифин Метјус, Пит Плошек и Медлин Бруер.
Популарната серија на Netflix базирана на романите на Керолин Кепнес ќе има премиера на 24 април, а многу гледачи едвај чекаат да дознаат како ќе заврши приказната. Во своите коментари бројните фанови веќе се воодушевени од настапот на Пен Беџли и пишуваат дека тој заслужува награда за оваа сезона.
„Дајте му на овој човек повеќе Еми награда затоа што изгледа дека ќе биде неговата најдобра изведба досега, во оваа последна сезона на You“, „Ова ќе биде најдобрата сезона досега“, „Подобро да му дадете Еми бидејќи трејлерот веќе покажува дека ова му е изведбата на животот“, „Епски крај на одлична, но и морничава серија. Едвај чекам“, се само дел од бројните коментари.
