Објавен е првиот трејлер за римејкот на „The Little Mermaid“, чија премиера е закажана за 26 мај 2023 година.
Diesny го објави првиот поглед на адаптацијата „The Little Mermaid“ со Хали Бејли во главната улога. Режијата е на Роб Маршал.
Бејли изјави дека ова е првпат да погледне исечок од филмот, пренесе Deadline.
„Сигурна сум дека сите може да се поистоветите со Ариел и дека ја разбирате, знаете колку е посебна за сите нас. Како девојче пливав во базен и замислував дека сум малечката сирена, но не ни можев да претпоставам дека тоа навистина ќе се случи. Тридневното снимање на песната „Part of your world“ беше најубавото искуство во мојот живот, да се почувствуваат сите тие чувства кои таа ги чувствува, нејзината страст, непријатност, сето тоа што го доживува. Ми беше многу возбудливо и покрај Роб, навистина е голема чест да се биде дел од еден ваков филм“, објасни младата актерка.
Покрај Бејли, во филмот ги гледаме Џон Хауер Кинг како Ерик, Мелиса Мекарти како Урсула, Хавиер Бардем како кралот Тритон и други.